Nutiziale culturale

Ochju, malocchio, mal de ojo, mauvais œil et autres pratiques magico-religieuses en Méditerranée

Stu libru plurilingu direttu da Davia Benedetti è Fabien Landron addunisce numerose cuntribuzione di cercadori, insignanti, attori culturali è artisti di Corsica, Spagna è Italia. Hè statu dinù u sugettu d’un cullocchiu à l’università d’ottobre 2021; E riprisentazione di sta credenza in Mediterraniu, i so rituali testimunieghjanu d’una credenza spartuta è trasmessa in e forze sopranaturale. Stu libru evucheghja e riprisentazione di u sopranaturale, di l’occultu è di l’esotericu mediterranii in sfarenti cuntesti sociostorichi, regione è in i duminii di l’antropolugia, a storia, a litteratura, l’arti, a cultura pupulare. Sò presentati l’esempii di una caccia à e streie in Catalogna, e maledizzione di e “janare” in Campania, i sonnii murtiferi di i MazzerI, i rituali di e signadore in Corsica, l’imprecazione di e surbiles in Sardegna. 

E lingue corsa, spagnola, taliana è francese permettenu di sprime in e so parolle ciò chì ùn hè micca dettu ogni tantu, prutettu da u secretu, piattatu. Si mette in parolle è si dà à leghje riti, figure è pratiche spessu piattati ma dinù trattalli cù l’analisi scientifica. Dunque, l’ogettivu di u libru ùn hè micca di fà a paura di fronte à e streie, i murtulaghji ma dì rimetteli in u so cuntestu, di lialli di novu à a cultura lucale è mediterrania chì l’hà custruiti è hà permessu di manteneli in u campà di a sucetà.