Nutiziale culturale

Scuperta archeologica in Brancale (Monte)

Stuvigliami, vasi, pezzi d’ogetti rotti di a perioda trà 1500 è 1300 nanz’à a nostra epuca sò stati scuperti nant’à u situ di Brancale, cumuna di Monte. Una scuperta di l’INRAP (Istitutu Naziunale di a Ricerca Preventiva). Nant’à 10 000 m2, l’archeologhi anu dissutterratu più o menu 40 000 pezzi d’ogetti rotti, grande fosse longhe sin’à 5 à 6 metri, parechje millaie di pezze di mubiglia ceramica, pezzi di stuvigliame, forni è vasi pè allucà a robba. E forme è decori di e pezze trove sugeriscenu scambii culturali cù l’Italia di u norduveste è a Tuscana. L’usu d’erdigni meccanichi pè identificà e strutture archeologiche hà permessu à l’INRAP di vince tempu. L’ogetti scuperti sò stati mandati in laburatoriu pè esse analisati da specialisti. 

In u 2021, archologhi di l’INRAP avianu scupertu vistiche d’un paese di l’età di u bronzu cunservati benissimu nant’à u situ di scavi di I Stantari di u Frati è di a Sora vicin’à a cità di Sartè. Anu trovu cusì infurmazione nant’à u spaziu di vita è a vita ind’a regione 4000 anni fà.