Voce Nustrale

Nutiziale culturale

Corsica
18 di ghjennaghju

U Premiu di i lettori di Corsica 2023

A Cullettività di Corsica chjama à vutà pè u vostru libru preferitu in u quadru di u premiu di i lettori di Corsica 2023 sin’à u 30 di ghjugnu. A creazione di u “premiu di i lettori di Corsica” addunisce e bibliuteche è e mediateche rurale è urbane, publiche è assuciative, ancu in lochi carcerali. Si tratta d’incuragì lettori corsi di sfarente categurie suciale à sprime i so gusti, fà sapè i so analisi, è a so visione di l’opere “in cumpetizione”. L’ogettivu di st’operazione hè di stimulà l’interessu di u publicu pè a litteratura è fà cunnosce megliu l’attività di e bibliuteche favurizendu a so messa in reta. I lettori è lettrice iscritti ponu imprestà i libri di a selezzione è vutà. Ogni bibliuteca hè invitata à organisà scontri trà lettori pè scambià.

 

Pè i libri in lingua corsa, a selezzione ùn hè ancu cunnisciuta. Pè quelli in lingua francese, eccu a lista : « Chien 51 » di Laurent Gaudé à l'edizione Actes Sud, « La nuit des pères » di Gaëlle Josse, edizione Noir Sur Blanc, « Le grand monde » di Pierre Lemaitre, edizione Calmann-levy, « Les silences d'Ogliano » d’Elena Piacentini, edizione Actes Sud, « On était des loups » di Sandrine Collette, edizione Lattes, « Peupler la colline » di Cecilia Castelli, edizione Le Passage, « Regardez-nous danser » di Leïla Slimani, edizione Gallimard è « Taormine » d’Yves Ravey, edizione Minuit.

Cultura

Nova versione pè Sunemu.net

22 di dicembre | Corsica

Corto Maltese traduttu in corsu

9 di dicembre | Corsica

Spazii zifrati : Ostriconi & Giussani

17 di nuvembre | Ostriconi è Giussani

 Indirizzu

Piazza Ghjuvanni Simonetti
20221 Cervioni

+04 95 38 12 83

 Rete suciale

Cuncezzione è realizazione Agence de communication L'Agenza