Voce Nustrale

Nutiziale culturale

Corsica
3 di ghjugnu

Seranu puesiole ? La traversée di Patrizia Gattaceca à l’edizione Albiana

In cinque libri, Patrizia Gattaceca face per noi u giru di u Mediterraniu in puesia. In Corsu, Talianu, francese o grecu, i canti di Patrizia celebreghjanu e nostre leie è e nostre sensibilità in spartimentu. 

L’opera racoglie testi di cinque dischetti di l’autora, ne prupone e traduzzione è, in u filu di Cantu in mossa (publicatu da Albiana, 2016), interrugheghja nantu à a leia chì esiste trà puesia è cantu da sempre, un passa è veni chì palesa a dificultà à definisce l’appartenenza definitiva à un generu.  Eppuru, cù a so forma o puru i so prucedimenti, u cantu ùn pò pretende appartene à u campu pueticu ? Ci hè da dumandassi

Patrizia Gattaceca, autora-cumpunitrice, interprete, puetessa è cumediente, hè un’attrice culturale maiò. Impegnata da giovana giovana in a mossa di u Riacquistu, l’artista instrada a so opera trà puesia è musica, splurendu l’anima umana indè un’isula senza cunfine di tempu o di spaziu, un’isula sempre ri-inventata in u puema. U so chjassu artisticu hà pruduttu un opera sustenziale.

Cultura

A Casa Paoletti in Nucariu

28 di maghju | Nucariu

29u Cuncorsu di puesia corsa è gallurese Lungoni

9 d'aprile | Santa Teresa di Gallura

Raconti IV In paesi Au village

22 di ferraghju | Corsica

 Indirizzu

Piazza Ghjuvanni Simonetti
20221 Cervioni

+04 95 38 12 83

 Rete suciale

Cuncezzione è realizazione Agence de communication L'Agenza