Corsica
30 di nuvembre
30 di nuvembre
U vaghjime culturale diviziosu di Felì
U canterinu Feli ci rigala un altru single “Amparatemi à cantà”. Dopu à una 'Una sera in paese' esciutu di settembre è dui cuncerti à u spaziu culturale Carlu Rocchi di Biguglia, sta nova canzona vene à cumpletà u vaghjime diviziosu di u canterinu casinchese cù a rientrata di Scola in festa è u prossimu dischettu. Nant’à a scena di u spaziu Carlu Rocchi, l’artistu hà resu omagiu à l’autore Ghjuvan Teramu Rocchi chì li hà “indittatu a strada”. A so cullaburazione hè stata ciò ch’è no sapemu è tuttu ciò chì ferma à sapè. In Biguglia, ci era dinù Laure Degiovanni, a giovana canterina membra di Scola in festa è voce partenaria di Felì. 'A tramandera' di Ghjuvan Teramu Rocchi, face a so strada cù e so passione, cunvinzione, vucazione. Per esempiu in Biguglia u duettu babbu è figliolu Felì è Stefanu, a participazione di l’arpista, figliola di a viulunista Elena Danelian. A ghjuventù impegnata ind’un cuncertu induve l’orchestrazione era di prima trinca. Ghjeranu Marylin è Élisabeth di u gruppu Isulatine chì anu cantatu pè a prima parte.Da sapè chì un arrigistramentu live di u cuncertu hà da esce u 13 di ferraghju di u 2023. L’ultima creazione di Felì hè l’esciuta di “Amparatemi à cantà”, u 21 di nuvembre scorsu chì incanta digià e radiu isulane. Imbellita da a trumbetta di Renaud Gensane, l’assestamenti di Nicolas Zimako, cù Piro Barrios à e percussione, Jean-Philippe Fanfant à a batteria, Felì Travaglini à a chitarra, i viulini d'Elena Moncho Danelian è Vanessa Cahuzac, u viuluncellu di Pascale Giraud è l'alto di Laurence Babiaud pè un pruduttu di u studio Scola in Festa, cù arrigistramentu è mischjera di Thibault Ficarra. 'Amparatemi à cantà' face pichjà di u pede, sciaccamanà. Cù e so rime puetiche accurdate à un ritimu jazzy, Felì hè in u so filu ma innuveghja dinù. Canta l’amore, dinunzia, rivindicheghja, strida. 'Canta è sumena' dendu à a musica è à u cantu a so piazza centrale abituale. Infine, sappiate chì un terzu single hà da esce nanzu à e feste. Intantu, sciaccamanemu Amparatemi à cantà” di Felì.
Cultura
Premiu Grossu Minutu pè a cumpagnia Unità Teatrale è umagiu à u ben’di François Berlinghi
10 di settembre | Talasani
Ghjurnate di u patrimoniu i 19 è 20 di settembre
10 di settembre | Corsica è Francia
Scena corsa, una memoria numerica di a creazione musicale isulana
9 di settembre | Internet
Una stazzona di 6000 anni scuperta vicin’à Filitosa
12 d'aostu | Pumonte
Scavi archeologichi in Tavera
11 d'aostu | Tavera
Canti corsi.com : un situ à prò di e canzone corse
2 di ghjugnu | Internet
Marinagi, u novu libru di Alain Di Meglio è Philippe Pierangeli, edizione 8 Studio Scamaroni
2 di ghjugnu | Bunifaziu
“L’énigme de Santa Restituta” di Michel Codaccioni, edizione Albiana
2 di ghjugnu | Calinzana
Esciuta di u numeru 7 di a rivista numerica Lumi, 'Chì fà di a lascita di i Lumi ?'
16 d'aprile | Internet
Sognus Mortalis, u primu manga in corsu è francese hà da esce
16 d'aprile | Corsica
'Histoire de la Corse” d’Ange-Toussaint Pietrera, edizione Jean-Paul Gisserot
16 d'aprile | Corsica
U béhourd, trà sportu medievale è patrimoniu culturale
7 d'aprile | Corsica
Jéromine Fedi conta l’anima di a Corsica in libri bislingui per a giuventù
3 d'aprile | Carghjese
Les républiques des Lumières, de la Corse à l’Amérique française, di Thibaut Dauphin, edizione Spondi-Le bord de l’eau
1u d'aprile | Corti, Parigi, Montréal
Da a Casinca à Bastia sin’à Milanu : u prugettu bislingu Scambiu cità
24 di marzu | Corsica è Milanu
Salvaticume, a seconda racolta di nuvelle di Joseph Antonetti, Òmara Edizione
10 di marzu | Corsica
A racolta Florilangues pè fà entre a litteratura in lingue regiunale in i cullegi
6 di marzu | Corsica è Francia
