Nutiziale culturale

Un situ archeologicu trovu nant'à a cumuna di Sotta

Un situ impurtante di u Neoliticu hè statu scupertu da una squadra d’archeologhi di l’INRAP à a Punta Campana, nant’à a cumuna di Sotta. Stu situ testimunieghja di a presenza d’attività di a vita è di l’econumia di e sucetà neolitiche. Sò stati trovi in particulare resti di strutture di u Neoliticu recente, di u IVu millenariu nanz’à a nostra epuca. 

L’archeologhi anu trovu dinù terrazze assestate, un bastione è assai mubiglia. Sò elementi di un’occupazione di u Neoliticu finale (IIIu millenariu nanz’à a nostra epuca). Avemu vasi, fondi di vasi è numerosi elementi metallichi in ramu, scaglia, ossidiana, riolita è quartz, punte di frezze, di perla in petra, di fusaghjole, di macine, di piole, alcudine, percussori… 

A squadra di l’INRAP hà messu dinù in risaltu strutture permettendu d’accantà robba da manghjà, di praticà attività metallurgiche è artigianale. Infine, qualchì indiziu mostra un’occupazione di l’Età di Bronzu à u primu è u secondu millenariu, è dinù vistiche di un’occupazione medievale nant’à a cima di Punta Campana.