14 di dicembre
E Filmastrocche : un novu arnese pè amparà a lingua corsa
Canopé, l’organismu di creazione è d’accumpagnamentu pedagogicu, di Corsica hà presentatu u so novu prugettu E Filmastrocche. Stu titulu ghjuchendu dunque cù a parolla filastrocca hè quellu di filmi corti mettenu in scena à Marcu è Fiffina, i dui persunagi preferiti di Canopé. S’indirizzanu à tutti i zitelli, da l’età nanzu d’andà à a scola cù ascoltu è diffusione sin’à u ciclu 3 cù lettura grazia à un karaoké affacchendu in a parte bassa di u filmu. L’arnese pò interessà dinù tutti quelli chì volenu divertesi in musica è in lingua corsa.
In stu bellu prugettu, rializatu in cullaburazione cù l’Accademia di Corsica è a CDC, ogni 'Filmastrocca' tratta d’una tematica sfarente, una stonda o un sintimentu particulare. “Stà à sente, ripete, dì è cantà permettenu una presa di cuscenza di a lingua cum’è lingua ogettu” secondu Sonia Moretti, autore è capu di u prugettu.
Quandu e parolle di a canzona sò prununziate, un frisgettu s’affacca è si culurisce à pocu à pocu permettendu à i zitelli, sapendu digià leghje, di seguità, di cantà. Tutte e filmastrocche si trovanu nant’à u situ www.Educorsica.fr è sò publicate regularmente, una dopu à l’altra, secondu l’ispirazione, e stagione, e stonde. Pè diversificà l’attività, una leia permette di sbuccà nant’à picculi ghjochi è prulungamenti pè facilità a so sfruttazione pedagogica.
Cultura
Stazii “Natura è erburisazione” cù Francesca Desideri è Vincent Renoux
16 d'aprile | Ostriconi, Porri, San Petrone
Chjama à prugetti di a CDC : lingua corsa è natura sin'à u 15 di maghju
12 d'aprile | Corsica
Un affrescu memuriale trà storia è memoria in Cervioni
10 d'aprile | Cervioni
29u Cuncorsu di puesia corsa è gallurese Lungoni
9 d'aprile | Santa Teresa di Gallura
È u ventu... A nova racolta di puesie di Petru Leca, edizione Albiana
6 d'aprile | Corsica
Sartène, 1583. Une histoire corse di Guillaume Stalloni, edizione Scudo
19 di marzu | Corsica
A rivista Kyrn in l’emissione “Dans l’oeil de Kyrn”
19 di marzu | Corsica
I sicreti di u tempu, un escape game à u Museu Casa nativa di Pasquale Paoli in Merusaglia
29 di ferraghju | Merusaglia
Raconti IV In paesi Au village
22 di ferraghju | Corsica
U novu cuncorsu di a nuvella organisatu da l’associu Altaleghje
20 di ferraghju | Altaghjè
Premiu di i lettori di Corsica 2024 sin’à u 30 di ghjugnu
26 di ghjennaghju | Corsica
U prugettu d’iscrizzione di u chjam’è rispondi à u patrimoniu immateriale di l’UNESCO, purtatu da l’associ ADECEC è Voce
23 di ghjennaghju | Corsica è UNESCO