Voce Nustrale

Nutiziale culturale

Corsica
5 di dicembre 2020

Trà passione è miseria, a canzona di Voci di a Gravona in omagiu à Maradona

U gruppu I voci di a Gravona hà dedicatu una canzona à u ghjucadore argentinu sparitu a settimana scorsa. Scritta è cumposta da Ghjaseppu Franchi, Trà passione è miseria si vole un umagiu à l'omu di 'a manu di Diu' è escerà sopra u discu novu di I voci, d'aprile prossimu. U titulu 'Tra passione è miseria' hè un'uchjata à tutti 'ssi zitelli chì crescenu in a miseria, è chì ghjocanu quantunque à ballò in i carrughji, scalzi è felici. U ballò hè per elli una manera di fughje issa miseria, di stantà u so pane è, podassi, mette fora di bisognu a so famiglia. Hè a storia di Maradona. Sta canzona si pò sente nant'à Facebook.

 Indirizzu

Piazza Ghjuvanni Simonetti
20221 Cervioni

+04 95 38 12 83

 Rete suciale

Cuncezzione è realizazione Agence de communication L'Agenza